O Programa Conecta nace como plasmación dos eixos de actuación do proxecto EMPRENDE da DX de Xuventude e Voluntariado, dos eixos transversais do Plan Estratéxico de Xuventude 2013 e desenvólvese a través de 9 encontros territoriais enfocados ao emprendemento xuvenil.
Estes actos de carácter territorial e sectorial pretenden ser, asemade, un punto de encontro entre grupos de mozos e mozas, entidades de carácter xuvenil, institucións públicas e privadas, e empresas cun obxectivo común:
ofrecer oportunidades para a xuventude e motivar a súa participación activa así como servir de escaparate do activismo e talento da nosa mocidade.
O emprendedurismo e a creatividade figurarán como referentes fundamentais comúns en todos e cada un destes encontros atendendo ao cumprimento dos obxectivos específicos do programa:
- Dinamizar e impulsar a participación xuvenil.
- Fomentar o asociacionismo xuvenil.
- Crear puntos de encontro a nivel territorial onde a mocidade poida compartir as súas experiencias.
- Mellorar as canles de comunicación e diálogo entre as entidades xuvenís e institucións públicas.
- Promover o espírito emprendedor como medio de xeración de emprego.
- Dar voz á mocidade para mellorar a eficiencia dos programas e políticas destinadas á xuventude.
- Garantir a igualdade de oportunidades sen distinción de sexo, clase ou condición.
- Achegar ós estudantes á demanda de traballadores das empresas e aos novos nichos de mercado.
Para máis información:
Conecta - Folleto
Conecta - Programa
